Alchemilla federiciana S. E. Fròhner, nov. spec.

Species e sect. Glaciales, proxima speciebus A. jugensis (Buser) Maillefer et A. grossidens Buser. Planta intermedia, tenera. Stolones raro adsunt. Stipularum basalium auriculae satis multinerviae, coniunctae paene usque apicem (incisura ochreae l-2 mm longa), etiam supra insertionem in petiolo usque ad apicem inter sese coniunctae. Petiolus foliorum basalium 0,5-l,5 mm in dia­metro, dense et appresse sericatus, eius fascicula vascicularia plerumque aperta, fasciculum abaxiale in diametro uni adaxiali aequum vel usque ad duplo latius. Foliorum basalium lamina 3-8 cm lata, reniformis ad orbicularis, angulum 230-380° amplum formans, dissecta vel partita usque ad (53)67-90(100)% radii in foliola (5)7(9), ea foliola in (0)l-15(20) mm inter sese coniuncta, 33-45° lata, cuneato-oblongo-obovata ad lineari-obovata (eius locus latissimus supra dimidium, raro in dimidio situs), 5-16 mm lata, duplo ad triplo longiora quam lata, apice rotundato vel truncato vel emarginato, piane explanata, ad basim per 10-25 mm (= 50-83% longitudinis) integra, versus apicem dentibus 7-11 crasse serrata; ii dentes 1,5-4 mm longi (= 7-18% radii laminae), l-3,5 mm lati (eorum relatio longitudo : latitudo = 1,3-2,8), late incurveque trianguli ad incurve mammillati vel anguste (= longiores quam lati) triangoli, acuti, in se incurvi ad recti, cum axi folioli divergentes ad convergentes; dentes utrorum laterum plerumque conniventes. Foliorum lamina subtus canescenter viridis, dense sericata sed non argenteo-albo nitens, supra graminis colore viridis ad obscure viridis, saepe leviter nitens, glabra. Stirpes florales 10-40 cm longi, adscendentes ad erecti, duplo ad triplo longiores quam petiolus longissimus, internodiis 4-6 constructi, per totam longitudinem dense sericati. Saepe 1 stirps innovans ex axilla folii caulini supremi exoriens, qui folia explanata iam in tempore florendi habet. Stipularum folii perfecti infimi stirpis floralis ochrea anguste tubiformis, eius auriculae obtusae ad acutae, 2-5-dentatae, petiolo opposite inter sese longe coniunctae (incisura ochreae longitudo - 10-25% totius longitudinis), supra insertionem ad petiolum vel solutae vel coniunctae. Stipulae folii perfecti supremi inflorescentiae 6-8 mm longae, per 17-80% longitudinis incisae in dentes 2-5 saepe valde diversos; relatio longitudo : latitudo eorum dentium = 0,3-2,5. Latitudo folii maximi stirpis floralis 50-67% latitudinis laminae foliorum basalium. Bracteae (lamina carentes) 17-67% radii incisae; relatio longitudo : latitudo earum laciniarum 0,5-2. Synflorescentia 3-7 cm lata, 30-300 flores gerens. 2-9 internodia ramorum florem terminalem superant. Monochasia pseudumbellata ad cincinniformia, 5-12-flora, floribus pseudumbellate positis 0-5, inter monochasia 1-4. Ad flores singulos bracteae plerumque absentes. Pedicellus 1,5-8 mm longus, per totam longitudinem sericatus. Flores virides, quadrifidi, 2,5-4 mm longi, 3-5(6) mm lati. Hypanthium dense sericatum, in fructu globosum ad pyriforme, subtus breviter ad clare acuminatum, supra clare constrictum, eius relatio longitudo : latitudo = 1-1,5. Episepala subtus dense ad modice dense sericata (pilis 40-75), rotundiusculo-ovata ad ovata, raro oblongo-elliptica, plerumque obtusa, eorum relatio longitudo : latitudo 1,4-2(3). Sepala extus dense sericata, rotundiusculo-triangula ad lineari-ovata, eorum relatio longitudo : latitudo - (0,9)1-2. Disci torus foramini aequilatus vel angustior. Filamenta 0,5-0,7 mm longa, e basi 0,1- 0,15 mm lata aequilata vel subito paulo angustata. Carpellum 1. Achenia 1,5-l,7 mm longa, discum 0,2-0,4 mm superantia, acute rostellata; eorum relatio longitudo : latitudo = 1,4-1,5.

Holotypus: Italia: Alta Val Brembana BG, Branzi, Laghi Gemelli, capo sud del lago, sentiero appena sopra il lago; 1980 m arbusteti alpini e subalpini, 24. VII. 2005 leg. G. Federici - [BER].

Alchemilla federiciana crescit in Alpibus Bergomensibus in regione alpina (in altitudine 2000- 2100 m s.m.) in solis nivalibus et in solis supra lapidosa silicea et paulum calcarea (verrucanea) in communitatibus syntaxonomicis Nardion strictae, Caricion curvulae, Seslerion variae, Poion alpinae, Arabidion caeruleae.

Specimina visa: ca. 50.

Species denominata est ad honorem eius detectori, amico meo Germano Federici in oppido Seriate, prov. Bergamo, Italia. (Stationes vivendi: * 13.IV. 1950, professor lycei alumnorum in oppido Bergamo. Opera operata praecipue in Not. Florist. Flora Alpina Bergamasca et in Edizioni scholastiche Juvenilia, Milano)

Species valde similis et proxima A., jugensis (Buser) Maillefer differt colore canescenti laminae, divisione profundiore laminae (67-100% eius radii), foliolis minus (0-6 mm, rarissime ad 14 mm) coniunctis et paulum plicatis rimosisque et angustioribus [eorum relatio longitudo : latitudo - (1,5)2-4], dentibus laminae magis divergentibus et angustioribus [eorum relatio longitudo : latitudo = (0,67)1-3], internodiis ramorum florem terminalem superantibus tantu mmodo 1-4), episepalis angustioribus, acutis.